Hjónavígslan mun fara fram í Siglufjarðarkirkju laugardaginn 19. júní kl. 16. Séra Sigurður Árni Þórðarson Hallgrímskirkjuprestur mun gefa brúðhjónin saman. Að athöfn lokinni verða kvöldverður, drykkir og dans í veislusal Kaffi Rauðku.



Okkur þykir ótrúlega vænt um að fólkið okkar ætli að leggja land undir fót til að fagna með okkur og viljum því gera sem mest úr stóra deginum. Dagana á undan, 17. og 18. júní, langar okkur því að njóta þess að eyða tíma með ykkur, fólkinu okkar, og verður þá í boði sérstök hátíðardagskrá sem gaman væri að sem flest ykkar gætu tekið þátt í með okkur.



Fimmtudagurinn 17. júní

Kl. 19 og frameftir kvöldi - Ganga upp að Leyningsfossi í skógræktinni í botni Siglufjarðar (sami afleggjari og upp að skíðasvæðinu. Um 2 mín. keyrsla frá bænum eða 20 mín. ganga). Á svæðinu er grillaðstaða, hver og einn kemur með eitthvað gott á grillið fyrir sig og sína (ekki verra að grípa eitthvað gott að drekka líka!). Svo höfum við útilegustemningu saman frameftir kvöldi. Muna að klæða sig eftir veðri!



Föstudagurinn 18. júní

Kl. 10 til 12 - Söguganga um Siglufjörð með Siglfirðingunum Gunnari Árnasyni og Ásbirni Björnssyni

Kl. 14 til 15:30 - Skoðunarferð um Segul 67 brugghús með bjórsmakki og snarli

Kl. 15:30 til 18 - Ratleikur um Siglufjörð

Kl. 20 og frameftir kvöldi - Pubquiz í Bláa húsinu við höfnina (sama hús og Hannes boy, gengið inn á hliðinni nær sjónum). Vínveitingar seldar á staðnum fyrir þyrsta.



Laugardagurinn 19. júní

Kl. 16 - Hjónavígsla í Siglufjarðarkirkju

Kl. 17 - Búbblur og harmonikkuleikur á Kaffi Rauðku

Kl. 18 - Brúðkaupsveisla í veislusal Kaffi Rauðku